Me urdhër të Zyrës së Prokurorit të Specializuar, (ZPS), Policia e Kosovës dhe ajo e EULEX-it janë duke bastisur shtëpinë e Bashkim Smakajt, ish-kreu i Agjencisë Kosovare të Inteligjencës(AKI) dhe ish këshilltar i presidentit të Republikës së Kosovës, Hashim Thaçi.

Forcat policorë ende po vazhdojnë bastisjen, rpaorotn Arbresh.info.

Ndërkohë, mëngjesin e sotëm është bastisur edhe shtëpia e ish-këshilltarit tjetër të Thaçit, Blerim Shala.

Arbresh.info ka kërkuar informacione nga Zyra e Prokurorit të Specializuar (ZPS), e cila nuk ka dhënë detaje shtesë, përveë që ka konfirmuar urdhërin për bastisje.

“Zyra e Prokurorit të Specializuar (ZPS) është duke zhvilluar operacione të vazhdueshme në Kosovë. Operacionet e ZPS-së po mbështeten nga Policia e Kosovës dhe Misioni i Bashkimit Evropian për Sundimin e Ligjit në Kosovë (EULEX)”, thuhet në përgjigjen e Prokurorit të Specializuar në Hagë.

Ekipi i Arbresh.info gjendet në vendin e ngjarjes dhe do ju mbajë të informuar…